Кыргыз Республикасынын Мамлекеттик бажы кызматы 2025-жылга карата Кыргызстанга электромобилдерди бажы төлөмдөрүнөн бошотуп алып кирүү үчүн белгиленген лимит толугу менен түгөнгөнүн билдирди.
ЕЭК Кеңешинин 2009-жылдын 27-ноябрындагы №130 чечимине ылайык жылдык квоталар төмөнкүдөй болгон:
- 2022-жыл — 5 000 электромобиль
- 2023-жыл — 10 000 электромобиль
- 2024-жыл — 10 000 электромобиль
- 2025-жыл — 10 000 электромобиль
2025-жылдын 25-сентябрына карата ушул жылга каралган 10 миң электромобилге чейинки лимит толугу менен колдонулуп бүткөн.
Эми эмне болот?
Мындан ары Кыргызстанга электромобилдерди алып кирүү үчүн бажы төлөмдөрү милдеттүү болот — алардын бажы наркынын 15% өлчөмүндө.
Бул сатып алуучулар үчүн эмнени билдирет?
- 25-сентябрга чейин алып келинип, рәсмилештирилген автоунаалар жеңилдикке (бажысыз) кирет.
- Бардык жаңы алып келинген автоунааларга — 15% бажы төлөнөт.
2025-жыл үчүн берилген жеңилдик мындан ары колдонулбайт. Эгер жыл аягына чейин электромобиль сатып алууну пландап жатсаңыз,
анын баасына кошумча 15% эсептелерин эске алыңыз.
Обсуждение
Для того что бы оставлять комментарии, вам неоходимо авторизоваться на нашем сайте...
Войти