Айдоочулук күбөлүктү (АК) кантип жана качан калыбына келтирсе болот

Автор: JOLDO.kg    icon 1440

---

Кээ бир жол эрежелерин бузгандыгы үчүн Кыргызстанда транспорт каражатын башкаруу укугунан ажыратылышы жана айдоочулук күбөлүк (АК) алынат.

Айдоочулук күбөлүктү (АК) мөөнөтүнөн мурда кайтарып алууга болобу? 

Кыскача жооп - жок. Айдоочулук күбөлүктү толук мөөнөт өткөндөн кийин гана кайтарып алууга болот. 

КРнын УБК” (Кыргыз Республикасынын Укук Бузуулар жөнүндө Кодекси)  564-беренеси (2)

1. Транспорт каражаттарын башкаруу укугунан ажыратуу жөнүндө токтомду аткаруу адамга транспорт каражаттарын башкаруу укугун берген ыйгарым укуктуу орган тарабынан күбөлүгүн алып коюу жана андан ажыратуу мезгилине сактоо жолу менен жүзөгө ашырылат. 2. Эгерде транспорт каражаттарын башкаруу укугунан ажыратылган айдоочу тиешелүү күбөлүктү берүүдөн баш тартса, алып коюу ички иштер органдары тарабынан мажбурлоо тартибинде жүргүзүлөт. 3. Транспорт каражаттарын башкаруу укугунан ажыратуу мөөнөтү аталган укуктан ажыратуу жөнүндө токтом мыйзамдуу күчүнө кирген күндөн тартып эсептелет.

АКны кайтарып алуу тартиби:

Айдоочулук күбөлүктү (АК) кайтарып алуу үчүн айдоочулук укуктан ажыратуу мөөнөтүнүн аякташын күтүп, андан кийин КРнын жол эрежелерин билүү боюнча экзамен тапшыруу керек.

Айдоочулук күбөлүктөрдү берүү эрежелери

63. Соттун актысы менен администрациялык жаза же автомототранспорт каражаттарын башкаруу укугунан убактылуу ажыратуу түрүндөгү жазык жазасын алган адамга айдоочулук күбөлүгүн кайтарып берүү же берүү ажыратуу мөөнөтү аяктагандан кийин жана квалификациялык сынактарды тапшыргандан кийин жүргүзүлөт.

Укук бузууларды жасагандыгы үчүн айдоочулук күбөлүгүнөн ажыраган адамдар ажыратуу мөөнөтү аяктагандан кийин айдоочулук күбөлүктү алуу үчүн төмөнкүлөрдү беришет:

- калкты каттоо чөйрөсүндөгү ыйгарым укуктуу орган тарабынан берилген Кыргыз Республикасынын жаранынын жана чет өлкөлүк жарандын идентификациялык жеке номерин;

- ички иштер чөйрөсүндөгү ыйгарым укуктуу мамлекеттик орган тарабынан белгиленген формадагы арызды;

- "Түндүк" мобилдик тиркемеси аркылуу санариптик форматтагы инсандын күбөлүгү же Кыргыз Республикасынын жаранынын 2004-жылдын үлгүсүндөгү паспорту (ID-карта) же идентификациялык карта - Кыргыз Республикасынын жаранынын 2017-жылдын үлгүсүндөгү паспорту (ID-карта);

- чет өлкөлүк жарандар жана жарандыгы жок адамдар үчүн - жарактуу визасы бар паспорт же Кыргыз Республикасынын Өкмөтү аныктаган ыйгарым укуктуу орган тарабынан берилген жашап турууга уруксат же калкты каттоо боюнча ыйгарым укуктуу орган тарабынан берилген каттоо документи (каттоо талону), Кыргыз Республикасынын мыйзамдарында, ошондой эле Кыргыз Республикасы катышуучу болуп саналган эл аралык келишимдерде каралгандан башка учурларда;

- Кыргыз Республикасынын саламаттык сактоо чөйрөсүндөгү ыйгарым укуктуу мамлекеттик органы аныктоочу ыйгарым укуктуу мамлекеттик медициналык мекеме тарабынан Кыргыз Республикасынын саламаттык сактоо чөйрөсүндөгү ыйгарым укуктуу мамлекеттик органы бекиткен форма боюнча берилген медициналык күбөлөндүрүүдөн (наркологиялык текшерүү, психикалык саламаттыгын аныктоо, көрүүсүн текшерүү) өткөндүгүн ырастаган документти, аны берүүнүн датасы 12 айдан ашпоого тийиш;

- айдоочулук курамды даярдоочу окутуучу уюмдар тарабынан берилген автомототранспорт каражаттарынын айдоочуларын даярдоо боюнча курстарда окугандыгы тууралуу күбөлүктү.

Электрондук маалымат базасында маалыматтары бар болсо, күбөлүк берилбейт.

Окугандыгы жөнүндө күбөлүгү жана электрондук маалымат системасында маалыматтары жок болсо, айдоочулук күбөлүктү берген аймактык органдын айдоочулук күбөлүктүн берилген күнүн, номерин жана реестрин көрсөтүү менен айдоочулук күбөлүктүн берилгендигин ырастаган документ берилет;

- айдоочулук курамды даярдоочу окутуучу уюмдар тарабынан берилген айдоочунун өздүк карточкасын.

Электрондук маалымат базасында маалыматтары бар болсо, айдоочунун өздүк карточкасы берилбейт.

Айдоочунун өздүк карточкасы жок болсо, айдоочулук күбөлүктү берген аймактык органдын айдоочулук күбөлүктүн берилген күнүн, номерин жана реестрин көрсөтүү менен айдоочулук күбөлүктүн берилгендигин ырастаган документи берилет;

- Кыргыз Республикасынын монополияга каршы жөнгө салуу чөйрөсүндөгү ыйгарым укуктуу мамлекеттик органы менен макулдашылган, белгиленген жыйымдарды төлөгөндүгү жөнүндө квитанцияны (төлөм тапшырмасы).

Ыйгарым укуктуу органдын бөлүмдөрүндө сактоо үчүн берилген документтердин түп нускасынын кагазга түшүрүлгөн көчүрмөлөрү чыгарылат же автоматташтырылган маалыматтык системада электрондук көчүрмөлөрү сканерленет.